Hesjtek Woost-Vloams voe beginners

Ik doe een copy-peestje van Liese, allé in meun toale ton é.

Ik komme eut un gemjeente mee un a-tiepies Woost-Vloams dialect. We zeumme un beetje besmet van de West-Vloamingn deurda me op de grenze lign. Azwo emme verschillnde woordn ’t zelfste, moar me spreekn z’un beetje anders eut.

Jeest un beetje lesse van d’jeeffrawe (juf):

Alle korte klinkers vwoor ne medeklinkere spreekn wildere verlingt eut. Voogt er op diene klinkere een L ton spreekn me dedie nie eut.

Un vwoorbeeld : onze gemjeente : Maldegem = Maaaadegem (allemoalle korte a’s)

Wemme wook untwa mee de ‘eu’. ’t Meunne en ’t zeunne (’t mijne/zijne) in de streke zegn ze wel nekjee : “in Maaaadegem en ze veuf euzdren veuzn (5 ijzeren schroeven)

Da dialect ed een woar kreus geweest in ’t schoolle. Tegen da kik schwoon Vloams koste zoat uk al goe en wel in ’t middelboar. Ton vonnuk da ambetant, nij (korte i met een j achter : nu) keunnuk aljeene moar blije zeun dak nog dialect spreekke.

Sedert dak getrawd zeun ek meun eign al een beetje moetn inburgern in ’t dirp dak weunne. Azwo bestelluk hiere bi (korte i) de slachtere gjeen ondert grammn sossies, moa wel salami. De fraizn (de ai op z’n Frans uitgesproken) zeun ier irrebeezn (korte i), ’t meunne en ’t zeunne is ier ’t minne en ’t zinne.

Meun schwoanvoadere zejt vroegere dak klaptege geleek dedie van zjust over d’Hollanse grenze, ij kon ta wjeetn want ij kwoamt doar vele voer zeun couponnekes mee zwart geld eut te wissln.

Ni ja geleek oe dat ist, ’t is de toalle diek meegekregn e vaneut de kinderfeture.

Ge keu moa zeun geleek daj zeut é …

Ik keunne tenminste zegn dak goe mjeertoalig zeun : Nederlans, Frans, Deuts, Eengels, Spoans, Maaadegems en deur da lief van bagn de kupe wook wa Iepers.

En gilder nij (nogmaals korte i met een j achter)